Home | Databases | WorldLII | Search | Feedback Pacific Islands Treaty Series

Treaty of Friendship Between the Government of Samoa and the Government of New Zealand (Samoan Text) [1962] PITSE 2 (1 August 1962)

FEAGAIGA FAA-UO I LE VA O LE MALO O NIU SILA MA LE MALO O SAMOA I SISIFO

1 AUKUSO 1962

O LE MALO O NIU SILA MA LE MAIO A SAMOA I SISIFO

I LE FAAMAONIA e faapea o a la 'ua faia, e avea a * Laic ua tu ma'oti a la'ua pule ma ua Way tutusa, * loo faavaeina i luga u le faaaloalo mo aia tatau faavae tau le tagata, ma, mo mea ua avea ma sini ma uiga faavae o le Feagaiga a Malo Aufaatasi,

I LE ALOA’IA e faapea o le agaga faa-uo, talitonuga maumaututu ma se taumafaiga fealoa'i i lo la'ua va ina ia maua mo o la'ua tagata ni avanoa e sili atu ona atoatoa mo laasaga auiluma tau le va fealoa'i, ua faavaeina ai se faia mafana faapitoa i lo la'ua va,

MA ONA UA MOOMIA INA ia faatumauina pea ma faamalosia noataga o le fealofani ma le alofa, lea o loo i ai i lo la'ua va e o'o mai i le taimi nei, ma ia aiaia ai tuutuuga mo le faaauauina pea o le uiga felagolagoma'i,

Ua finagalo malilie ai e faapea:

Mataupu I

O faia i le va o Niu Sila ma Samoa i Sisifo o le a faaauau pea ona pulea i se agaga o fefaauoa'iga vavalalata.

Mataupu II

I mea e tatau ai, o le a tatau ona feutaga'i ai Ma o lua i le fesiligia e le tasi o se finagalo o le isi i mataupu e faatau taua ma aafia ai i la'ua.

Mataupu III

E tatau i Malo taitasi ona faamautuina e faapea o tagatanuu o le isi atunu’u o loo mau i totonu o lona atunu’u o loo tuuina atu I ai, e tusa ma le va o malo fealofani, ni faiga tonu no le sa'o ma se puipuiga atoatoa faale-tulafono me le avanoa e o'o atu ai i Faamasinoga.

Mataupu IV

E tatau i Malo e lua ona faaauau pea le galulue faatasi ina ia siitia ai le tulaga o le soifuaga ;solo-lelei o tagata o Samoa i Sisifo. Aemaise lava, o le a iloiloina ma le alofa e le Malo o Niu Sila talosaga mai le Malo o Samoa i Sisifo mo se fesoasoani tau le poto faapitoa, pulega faalemalo ma nisi lava fesoasoani.

Mataupu V

0 le a tuuina atu e le Malo o Niu Sila, mo taimi uma lava e pei ona finagalo i ai le Malo o Samoa i Sisifo, ma, i se faiga e pei ona o le a le faaleagaina ai i so o se auala le aia tatau a le Malo o Samoa i Sisifo na te faatulagaina ai ana lava faiga i le va i fafo, le fesoasoani i le Malo Samoa i Sisifo i le ta'ita'iga o ana faia tau le va o malo o le lalolagi. I se tulaga faapitoa, o le Malo o Niu Sila:

(a) pe a o'o ina ua talosagaina, o le a galue faa-sui e avea ma auala mo fesoota'iga. i le va o le Malo o Samoa i Sisifo ma isi Malo ma faalapotopotoga tau le va o malo o le lalolagi;

(b) pe a o'o ina ua talosagaina, ma, i mea e ono mafai ona faatagaina ma tatau ai, o le a galue e avea ma sui o le Malo o Samoa i Sisifo i so o se fonotaga tau le va o malo e tatau ma mafai ona auai se sui o Samoa i Sisifo;

(c) Pe a o’o ina ua talosagaina, o le a tuuina mai ia Samoa i Sisifo faamatalaga e uiga i mataupu tau le va o malo;

(d) o le a tau'aveina le puipulga tau le va fealoa'i mo tagata o le atunuu o Samoa I Sisifo i totonu o isi atunuu ma na faia galuega faa-konesula e avea ai ma o latou sui.

Mataupu VI

E mafai e so o se tasi o Malo e lua i so o se taimi ona tuuina atu i le isi Malo se faasilasilaga tusia e uiga i lona mana’o ina ia faamutaina lenei Feagaiga. I se itu faapenei, o le a faamutaina ai lenei Feagaiga ina ua tuana'i masina e tolu talu mai le aso na maua ai le faasilasilaga.

Mataupu VII

0 le a amata ona faamamaluina le Feagaiga lenei i le aso e saini al suafa.


E AVEA MA MOLIMAU FAAMAONI, ua sainia ai e le sui o le Malo o Niu Sila ma le sui o le Malo o Samoa i Sisifo, ua faatagaina i ala e tatau ai mo lea itu, le Feagaiga lenei.

FAIA i Apia i lenei aso 1 o Aukuso 1962 i pepa e fa ua saunia, e lua i le gagana Peretania, lua i le gagana Samoa, e taufai tutusa to la aloa'ia faale-tulafono.