1 Upu Tomua

O auala o le fa'agaioiga o le Faamasinoga o Fanua ma Suafa o lo'o aiaia i le Tulafono o Fanua ma Suafa 1981.

I soo se mataupu o faiga masani poo auala o le faatinoga ua le o aiaiaina, po o pe'afai o le matua tausisia o soo se tulafono o faiga masani po o auala o le faatinoga e ono fesilia'i pe le talafeagai, e mafai e le Faamasinoga ona ia faia se auala ua ia manatu ua matua sili atu ona ogatasi ma le uiga tonu o le mea moni ma tulaga talafeagai.

O taualumaga e amataina e auala i talosaga ua saunia e le Resitara, o le ua tagi, po o lana loia.

Ona o tagata uma e iai se aia i se fanua po o se suafa matai ua fesiligia o le'a noatia i le fa'aiuga a le Faamasinoga, e matua taua ai lava le fa'alauiloaina o taualumaga, o lea la:

• o talosaga uma ia fa'asalalauina i le nusipepa a le Malo o le Savali, ia aofia ai fa'amatalaga atoatoa ma le aso o le tauaofiaga a le Faamasinoga.

O lenei Vaega o lo'o fa'aalia ai la'asaga i le agai atu i le tauaofiaga a le Faamasinoga.

2.1 La'asaga a'o le'i faia le Faamasinoga mo Mataupu ua Finau ai

O le ata fa'asinoala i itulau e lua o soso'o atu nei o lo'o fa'aalia ai La'asaga a'o le'i faia le faamasinoga mo mataupu ua finau ai.

2.2 La’asaga a’o le’I Faia le Faamasinoga pe’a ua leai se Finauga

Ua fa’aalia i le faasinoala laasaga a’o le’i faia taualumaga pe’a ua leai se finauga

O itulau o lo'o soso'o atu nei ua fa'aagaga o ni fa'amatalaga taiala vave mo ituaiga taitasi o taualumaga, ma auiliiliga:

O isi taiala o lo'o tu'uina atu i vaega ua talafeagai ai.

3.1 Tagi o Pulefaamau poo le Fa'amoemoe e Tofia - Ua Faatoai le Tetee

E mai fea le pule a le Faamasinoga	s34(2).

Laasaga a'o le'i faia le fa'amasionga:	Ua faailoaina i le Resitara le tagi o le Pulefaamau po'o le fa'amoemoe e tofia se tagata na te umiaina se igoa matai poo se suafa, ma totogi le totogi fuapauina - s14 Afai ua fa'amalieina le Resitara ua faamaoni le agaga ole tagi poo le faamoemoe ma ua totogi le totogi fuapauina, ona faasalalau lea e le Resitara le tagi poo le faamoemoe i ni faasalalauga sosoo se lua i le Savali ile faatulagana ua faatatauina, ia aofia ai le taimi ma le nofoaga e mafai ona fa'atoai iai faalavelave a i latou ua aafia - ss15, 16 I totonu o le 3 masina mai le ulua'i fa'asalalauga, e faia ai e se tagata ua aafia se tete'e - s16(2), ma ia faailoa atu i le Resitara faamatalaga (tu'ufofoga po'o le tusitusia) ma totogi le totogi fuapauina - s42(1) Saunia e le Resitara le talosaga (i le fa'atulagaga ua fa'atatauina) - ss17, 42(2) Faia e le Resitara laasaga mo le faaooina atu o le talosaga i itu auai taitasi o le taualumaga, e aofia se tusi samania i a i latou ua tetee e moomia ai lo latou auai i le faamasinoga s.45. Feutagai le Resitara ma le Peresetene ma fa'atulaga le taimi ma le aso o le faamasinoga - ss39, 42(5) Fa'asalalau e le Resitara i le Savali le fa'asilasilaga o le faamasinoga (le itiiti ifo i le 21 aso a'o le'i amataina le faamasinoga), ia faailoa atu ai: • le taimi ma le nofoaga • igoa o itu auai i talosaga taitasi, ma • le uiga o le fesoasoani o lo'o fia maua - s40,41

O ai e ono mafai ona talosaga?	Soo se Samoa ua aafia i le tagi poo le tofiaga - s17

Faavaeina o le Faamasinoga:	Peresetene (poo se Sui Peresetene) ma ia le i lalo ifo o le 4 Faamasino ma Faatono (ia le i lalo ifo o le to'a 2 o i latou o Faamasino) - s35

O le a le mea e ono mafai ona faia e le Faamasinoga:	E mafai e le Faamasinoga ona faia se poloaiga poo se fa'aaliga manino e faatatau i igoa, suafa ma fanua faaleaganu'u - 34(2) E mafai e le Faamasinoga ona faaiuina mataupu uma e tusa ai ma le mea ua ia manatu ua tonu ma talafeagai i le va o itu auai. E le noatiaina i latou i manaoga o talosaga - s37(2).

E iai se aia tatau e talosaga apili ai?	Ioe - s76(1). Ia maua mai le faatagaga a le Peresetene - s78 Manatua tapula'a i tupe totogi ma poloaiga-le-tumau - ss72, 49,50 Manatua le s71 o lo'o faapea mai e le mafai ona toe iloiloina seisi Faamasinoga faaiuga. Aepeita'i, e i ai mataupu na toe iloiloina ai e le Faamasinoga Maualuga fa'aiuga a le Faamasinoga o Fanua ma Suafa e faatatau i mataupu o aia tatau fa'amaufaailogaina. Silasila i le Vaega V111: Talosaga Apili, pito i lalo.

Taiala Faaopoopo	Silasila i le Vaega V1: Tauaaoina o Taualumaga ma le Vaega V11: Faia o Fa'aiuga, pito i lalo.

E mai fea le pule a le Faamasinoga	s19.

La'asaga a'o lei faia le Faamasinoga	Faailoaina mai i le Resitara le tagi o le Pulefaamau poo le faamoemoe e tofia se tagata na te umiaina le suafa matai, ma totogi le totogi fuapauina - s14. Afai ua faamalieina le Resitara e faamaoni le uiga o le tagi poo le faamoemoe ma ua totogiina le totogi fuapauina, ona ia fa'asalalauina lea o le tagi poo le faamoemoe ini faasalalauga sosoo se lua o le Savali i le fa'atulagaga ua faatatauina, e aofia ai le taimi ma le nofoaga e faatoai i ai faalavelave a i latou ua aafia - ss15,16. Afai ua leai se faalavelave na mauaina mai i totonu o le 3 masina mai le uluai fa'asalalauga, ona saunia lea, saini ma faatoai le talosaga e le Resitara mo le fa'amaoniaina e le Faamasinoga o le tagi poo le tofiaga - s18. Feutagai le Resitara ma le Peresitene ma faatulaga le taimi ma le nofoaga o le faamasinoga - ss39,42(5). Faasalalau e le Resitara le faasilasilaga o le faamasinoga, ia le itiiti ifo ma le 21 aso a'o lei amataina le faamasinoga, faailoa atu ai: • le taimi ma le nofoaga; • igoa o itu auai i talosaga taitasi, ma o le uiga o le fesoasoani o fia maua - ss40,41;

O ai e ono mafai ona Talosaga?	Soo se tagata ua faia se tagi o se Pulefaamau poo le faailoa atu o se faamoemoe e tofia e amatamea, ae o le Resitara e na te fa'atoaiina le talosaga - s18.

Faavaeina o le Faamasinoga	Ua na o le Peresitene (poo se Sui Peresitene) - s19(1).

O le'a le mea e ono mafai ona faia e le Faamasinoga	Faamaonia le tagi poo le tofiaga, atoa poo vaega, faatasi ai poo e aunoa ma se fetuunaiga - s19(1), e ui o se tasi poo se tofiaga fuafuaina ua faamaoniaina e le Faamasinoga e ono mafai ona faaleaogaina ona o se mea ua sese, amioga e le tusa ai po o se talitonuga e le lelei - s19(2).

E i ai se aia tatau e talosaga apili ai?	Ioe - s76(1). Ia maua mai le faatagaga a le Peresitene - s78. Manatua soo se tagi poo se tofiaga ua faamaoniaina i lalo o le s19 e ono mafai ona faaleaogaina ona o: • se mea ua sese; • se amioga e le tusa ai; • se talitonuga e le lelei; Manatua tapula'a e faatatau i tupe totogi ma poloaiga le tumau - ss72,49,50. Manatua le s71 o loo faapea mai e le mafai e seisi Faamasinoga ona toe iloiloina faaiuga. Aepeita'i, e iai ni faamasinoga na toe iloiloina ai e le Faamasinoga Maualuga faaiuga a le Faamasinoga o Fanua ma Suafa e faatatau i mataupu o aia tatau fa'amaufa'ailogaina. Silasila i le Vaega V111: Talosaga apili, pito i lalo

Taiala Faaopoopo	Silasila i le Vaega V1: Tauaaoina o Taualumaga ma le Vaega V11: Faia o Faaiuga, pito i lalo

Mai fea le pule a le Faamasinoga	s11(1) Tulafono o Fono a Nu'u 1990

Laasaga ao lei faia le Faamasinoga	Fa'atino e Fono a Nu'u lo latou malosiaga fa'a-le-tulafono/pule ia tusa ai ma aganuu ma agaifanua a le nu'u, e aofia ai: • le faia o tulafono mo le tausia o le tumama ma fa'atatau i le atiinaa'e o atinae tau i le tamaoaiga - tusa lava pe le o se vaega o a latou aganu'u ma agaifanua; • faasalaga; O se tagata ua faasalaina e faailoa mai i le Resitara le mataupu o le talosaga Apili tu'ufofoga pe tusitusia - ss11(7) Tulafono o Fono a Nuu 1990, s42(1) Saunia e le Resitara le talosaga (i le faatulagaga faatatauina) - s42(3) Faia e le Resitara la'asaga mo le fa'aooina atu o le talosaga i itu auai taitasi o le taualumaga, e aofia ai se tusi Samania ia i latou ua tete'e e moomia lo latou auai i le faamasinoga - s45 Feutagai le Resitara ma le Peresitene ma faatulaga le taimi ma le nofoaga o le faamasinoga - ss39, 42(5) Faasalalau e le Resitara le faasilasilaga i le Savali (ia le itiiti ifo ma le 21 aso a'o lumanai le faamasinoga), e faailoa atu ai: • le taimi ma le nofoaga; • igoa o itu auai i talosaga taitasi, ma • le uiga o le fesoasoani o fia maua - ss40,41
O ai e ono mafai ona talosaga?	Soo se tagata ua aafia i le faaiuga a se Fono a Nuu (aofia ai faasalaga) -s11(1) Tulafono o Fono a Nuu 1990

Faavaeina o le Faamasinoga	Peresitene (poo se Sui Peresitene) ma ia le itiiti ifo i le 4 faamasino ma faatonu (ia le itiiti ifo i le to'a 2 o i latou o faamasino) - s35

O lea le mea e ono mafai e le Faamasinoga ona fai	E ono mafai e le Faamasinoga ona: • talia le apili ma soloia ai loa ma faaleaogaina le uluai fa'aiuga; • teena le apili; • faafoi le faaiuga i le Fono a Nuu mo le toe iloiloina. Manatua e leai se aia tatau e toe talosaga apili ai faasaga i le faaiuga a le Fono a Nu'u pe'a ua faafoi e le Faamasinoga mo le toe iloiloina. E ono mafai ona faaiuina e le Faamasinoga e tusa ma talosaga ua i ona luma, poo e tusa ai ma le mea ua ia manatu ua tonu ma talafeagai i va o itu auai - s37(2) MANATUA: e leai se malosiaga po o se pule a le Faamasinoga e tu'u atu ai se fa'asalaga poo se sala po o le suia o se fa'asalaga po o se sala i seisi faasaga po o se sala i faamasinoga o apili faasaga i fa'aiuga o Fono a Nu'u - s11(6) Tulafono o Fono a Nu'u

E iai se aia tatau e apili ai?	Ioe - s76(1). Ia maua mai le faatagaga a le Peresetene - s78 Silasila i le s11(6) Tulafono o Fono a Nu'u mo le tulaga e le mafai ai ona apili. Manatua tapula'a e faatatau i tupe totogi ma poloaiga-le-tumau- ss72,49,50 Manatua le s71 o loo fa'apea mai e le mafai i seisi Faamasinoga ona toe iloiloina faaiuga. Aepeitai, e iai faamasinoga na toe iloiloina ai e le Faamasinoga Maualuga fa'aiuga a le Faamasinoga o Fanua ma Suafa faatatau i mataupu o aia tatau fa'amaufa'ailogaina. Silasila i le Vaega VIII: Apili, pito i lalo

Taiala Faaopoopo	Silasila i le Vaega VI: Taua'aoina o Taualumaga ma le Vaega VII: Faia o Fa'aiuga, pito i lalo.

Mai fea le pule a le Faamasinoga	s34(2); s23

La'asaga ao le'i faia le Faamasinoga	I totonu o le 7 aso o le faia o le saofai faaleaganu'u, e tatau ai e le fa'atoa tofia ona faailoa atu i le Pulenu'u ma le Resitara i se tusitusiga - s23(1) I totonu o le 14 aso ua ia silafiaina le faia o le saofa'i fa'aleaganu'u, e tatau ai i le Pulenuu ona faamautinoa o le suafa e faasino tonu ile nu'u, ma fa'amaumau fa'amatalaga o le tofiaga (ia teu se ata mo le 10 tausaga). Ia tu'uina atu se ata i le ua tofia ae faao'o atu le Resitara le ulua'i itulau - s23(2). Faasalalau e le Resitara fa'amatalaga o le tofiaga i ni fa'asalalauga sosoo e 2 o le Savali, e aofia ai se fa'asilasilaga e fa'atatauina ai le taimi ma le nofoaga e mafai ona fa'atoai iai ni tete'e i le tofiaga (le itiiti ifo ma le 3 masina mai le aso o le uluai fa'asalalauga) - s23(4), s16 Leai se tete'e: Afai ua fa'amalieina le Resitara o: • le suafa e fa'asino tonu i le nu'u • le saofai faaleaganu'u na fa'atinoina • tofiaga ua fa'amalieina aganu'u ma agaifanua, ona tu'uina atu lea e le Resitara o se tusi-faamaoni i le faato'a tofia ma tu'u lona suafa i le Tusi-faamau o Matai - s23(6). Leai ni taualumaga i luma o le Faamasinoga. Ua fa'atoai se tete'e: So'o se Samoa e iai sana aia faamaoni e mafai ona ia fa'ailoa atu i le Resitara le mataupu o lana tete'e tu'u fofoga pe tusitusia - s42(1). Saunia e le Resitara le talosaga (i le fa'atulagaga fa'atatauina) - s42(2). Saini, tauto ma fa'atoai le talosaga e le ua tagi - s42(3). Faia e le Resitara laasaga mo le faaooina atu o le talosaga i itu auai taitasi o taualumaga, e aofia ai se tusi samania ia i latou ua tete'e e mo'omia ai lo latou auai ane i le faamasinoga - s45. Feutagai atu le Resitara i le Peresetene ma fa'atulaga le taimi ma le nofoaga o le faamasinoga - ss39, 42(5).
	Fa'asalalau e le Resitara le fa'asilasilaga o le faamasinoga i le Savali (le i lalo ifo o le 21 aso ao lumanai le faamasinoga, e fa'ailoa atu ai: • le taimi ma le nofoaga; • igoa o itu auai i talosaga taitasi; ma • le uiga o le fesoasoani e fia maua - ss40,41. Leai se tetee, ae ua le fa'amalieina le Resitara: Afai ua leai se tetee ua mauaina i totonu o le taimi fa'atapula'aina ae ua le fa'amalieina le Resitara e fa'apea: • o le suafa e faasino tonu i le nu'u; po o • na faia le saofai fa'aleaganu'u; po o • ua fa'amalie e le tofiaga aganu'u ma agaifanua, ona tusi atu lea e le o se fa'aaliga i le ua tofia' ua ia le faamaonia le amanaiaina o le tofiaga (ma ia mautinoa o le'a tu'uina igoa i le Resitara o Matai) - s23(6), s23(9). I totonu o le masina e 1 o lona mauaina o le fa'aaliga, afai e mana'o le ua tofia e toe iloiloina le fa'aiuga a le Resitara e le Faamasinoga, ona ia fa'ailoa lea i le Resitara fa'amalamalamaga o le mataupu (tu'ufofoga pe tusitusia) ma totogi le totogi fuapauina - s42(1). Saunia e le Resitara le talosaga (i le fa'atulagaga fa'atatauina) - s42(2). Saini, tauto ma fa'atoai le talosaga e le na tagi - s42(3); s23(8). Faia e le Resitara laasaga mo le faaooina atu o le talosaga i itu auai taitasi o le taualumaga, e aofia ai se tusi samania ia i latou ua tete'e e mo'omia ai lo latou auai ane i le faamasinoga - s45. Feutagai le Resitara ma le Peresetene ma fa'atulaga le taimi ma le nofoaga o le faamasinoga - ss39, 42(5). Fa'asalalau e le Resitara le fa'asilasilaga o le faamasinoga i le Savali (le itiiti ifo ma le 21 aso ao lumana'i le faamasinoga) e fa'ailoa atu ai: • le taimi ma le nofoaga; • igoa o itu auai i talosaga taitasi; ma • le uiga o le fesoasoani ua fia maua - ss40, 41

O ai e ono mafai ona talosaga?	Ua fatoa'i tetee: Soo se Samoa e iai sana aia faamaoni - s34(2); Soo se Samoa ua aafia - s16(2). Leai se tetee, ae ua le faamalieina le Resitara: O le ua tofia - s23(7).

Faavaeina o le Faamasinoga:	Resitara (poo se Sui Peresetene) ma ia le itiiti ma le 4 faamasino ma faatonu (ia le itiiti ma le to'a 2 o i latou o faamasino) - s35.

O lea le mea e ono mafai ona faia e le Faamasinoga:	E mafai ona faia e le Faamasinoga se poloaiga poo se fa'aaliga manino faatatau i igoa, suafa ma fanua fa'aleaganu'u - s34(2). E mafai e le Faamasinoga ona faaiuina mataupu uma ia tusa ai ma le mea ua ia manatu ua tonu ma talafeagai i le va o itu auai. O le'a le noatiaina i latou i manaoga o le talosaga - s37(2).

E iai se aia tatau e apili ai:	Ioe - s76(1). Ia maua mai le fa'atagaga a le Peresetene - s78. Manatua tapula'a faatatau i tupe totogi ma poloaiga-le-tumau - ss72, 49, 50. Manatua le s71 o lo'o fa'apea mai e le mafai ona toe iloiloina e seisi Faamasinoga fa'aiuga. Aepeita'i, e iai faamasinoga na toe iloiloina ai e le Faamasinoga Maualuga fa'aiuga a le Faamasinoga o Fanua ma Suafa fa'atatau i mataupu o aia tatau fa'amaufa'ailogaina. Silasila i le Vaega VIII: Apili, pito i lalo

Taiala Faaopoopo:	Silasila i le Vaega VI: Tauaaoina o Taualumaga ma le Vaega VII: Faia o Faaiuga, pito i lalo

Mai fea le pule a le Faamasinoga	s34(2)

Laasaga ao le'i faia le Faamasinoga:	Soo se finauga ua ali'ae faatatau i igoa ma suafa, po o fanua fa'aleaganu'u, ua le mafai ona masuiga malie i le va o itu auai. Soo se tagata ua iai se aia faamaoni ma ua mana'o e iloilo e le Faamasinoga le mataupu ia faailoa atu tu'ufofoga pe tusitusia o le mataupu ua finau ai i le Resitara - s42(1). Saunia e le Resitara le talosaga (i le fa'atulagaga fa'atatauina) - s42(2). Saini, tauto ma faatoai le talosaga e le ua tagi. Faia e le Resitara laasaga mo le fa'aooina atu ole talosaga i itu auai taitasi o taualumaga, e aofia ai se tusi samania ia i latou ua tetee e moomia ai lo latou o'o ane i le faamasinoga - s45. Feutaga'i le Resitara ma le Peresetene ma faatulaga le taimi ma le nofoaga o le faamasinoga - ss39, 42(5). Fa'asalalau e le Resitara le fa'asilasilaga o le faamasinoga i le Savali (le itiiti ma le 21 aso ao lumanai le faamasinoga) e faailoa atu ai: • le taimi ma le nofoaga; • igoa o itu auai i talosaga taitasi; ma • le uiga o le fesoasoani ua fia maua - ss40, 41

O ai e ono mafai ona talosaga:	Soo se Samoa ua iai sana aia faamaoni - s42(1).

Faavaeina o le Faamasinoga:	Peresetene (po o se Sui Peresetene) ma e le itiiti ma le toa 4 faamasino ma faatonu (e le itiiti ma le toa 2 o i latou o faamasino) - s35.

O lea le mea e ono mafai ona Faia e le Faamasinoga:	E mafai e le Faamasinoga ona faia se poloaiga poo se fa'aaliga manino faatatau i igoa, suafa ma fanua faaleaganu'u - s34(2). E mafai ona fa'aiuina e le Faamasinoga mataupu uma ia tusa ai ma le mea ua ia manatu ua tonu ma talafeagai i le va o itu auai. E le noatiaina i latou i manaoga o le talosaga - s37(2).



E iai se aia tatau e apili ai?	Ioe - s76(1). Ia maua mai se faatagaga a le Peresetene - s78. Manatua tapulaa faatatau i tupe totogi ma poloaiga le tumau - ss72,49,50. Manatua le s71 o lo o faapea mai e le mafai ona toe iloiloina e seisi Faamasinoga faaiuga. Aepeitai, ua i ai faamasinoga na toe iloilo ai e le Faamasinoga Maualuga faaiuga a le Faamasinoga o Fanua ma Suafa faatatau i aia tatau fa'amaufa'ailogaina. Silasila i le Vaega V111: Apili, pito i lalo.

Taiala Faaopoopo	Silasila i le Vaega V1: Tauaaoina o Taualumaga ma le Vaega V11: Faia o Faaiuga, pito i lalo.

Maifea le pule a le Faamasinoga:	s42(2): s22

Laasaga ao lei faia le Faamasinoga	Afai ua faamalieina le Resitara o se tofiaga o lo o i ai sa le'i faia e tusa ai ma aganuu ma agaifanua, ona ia saunia lea, saini ma faatoai se talosaga mo le iloiloina e le Faamasinoga po ua tatau po ua le tatau ona tu'ueseina le igoa po'o le Suafa mai le Tusifaamau o Matai - s22(4): s42. Faailoa atu e le Resitara i se tusitusiga le ua "tuueseina" lona suafa le tu'ueseina faatasi ai ma mafuaaga (pe'afai o soifua pea) - s22(8). Faia e le Resitara laasaga o le faao'oina atu o le talosaga i itu auai taitasi o le taualumaga, e aofia ai ma se tusi samania ia i latou ua tetee e moomia ai i latou e o'o ane i le faamasinoga - s45. Feutagai le Resitara ma le Peresitene ma faatulaga le taimi ma le nofoaga o le faamasinoga - ss39,42(5). Faasalalau e le Resitara le faasilasilaga o le faamasinoga i le Savali (le itiiti ma le 21 aso ao lumanai le faamasinoga), e faailoa atu ai: • le taimi ma le nofoaga; • igoa o itu auai i talosaga taitasi, ma • le fesoasoani ua fia maua - ss40,41 I totonu o le masina e 1 o le mauaina o le faaaliga, ia faailoa mai i le Resitara e tagata ua "tu'ueseina" e faapea ua mananao e talosaga i le Faamasinoga (tu'ufofoga pe tusitusia) faasaga i le faaiuga a le Resitara i le tuueseina o latou igoa poo suafa - s22(9); s42(1). Saunia e le Resitara talosaga (i le faatulagaga faatatauina) - s42(2) Saini, tauto ma faatoai le talosaga e le ua tagi - s42(3).

O ai e ono mafai ona talosaga?	O le Resitara ma le tagata ua "tu'ueseina" - ss22(8) ma le (9)

Faavaeina o le Faamasinoga	Peresetene e seei toatasi - s22(9).

O lea le mea e ono mafai ona faia e le Faamasinoga	E mafai e le Faamasinoga ona faia se poloaiga poo se faaaliga manino faatatau i igoa, suafa ma fanua faaleaganuu - s34(2). E mafai e le Faamasinoga ona faaiuina mataupu uma ia tusa ai ma le mea ua ia manatu ua tonu ma talafeagai i le va o itu auai. E le noatiaina i latou i manaoga o le talosaga - s37(2).

E i ai se aia tatau e apili ai?	Ioe - s76(1). Ia maua mai le faatagaga a le Peresitene - s78. Manatua tapulaa faatatau i tupe totogi ma poloaiga le tumau - ss72,49,50. Manatua le s71 o lo o faapea mai o faaiuga o le'a le mafai ona toe iloiloina e seisi Faamasinoga. Aepeitai, ua i ai faamasinoga na toe iloiloina ai e le Faamasinoga Maualuga faaiuga a le Faamasinoga o Fanua ma Suafa i mataupu faatatau i aia tatau fa'amaufa'ailogaina. Silasila i le Vaega V111: Apili, pito i lalo

Taiala Faaopoopo	Silasila i le Vaega V1: Tauaaoina o Taualumaga ma le Vaega V11: Faia o Faaiuga, pito i lalo.

Mai fea le pule a le Faamasinoga	s9.

Laasaga a'o lei faia le faamasinoga	Soo se tagata po o alii ma faipule e mafai ona faia se tagi i se aia faamaoni i: • fanua umia saoloto; • fanua ua le mautinoaina lona tulaga moni po o se fanua faaleaganuu po o se fanua umia saoloto. Faailoa i le Resitara faamatalaga o le tagi (tu'ufofoga pe tusitusia) ma totogi le totogi fuapauina - s9(1): s42(1). Faasalalau e le Resitara le talosaga i ni faasalalauga sosoo se 2 i le Savali, ia tuuina atu ai le faasilasilaga o le taimi ma le nofoaga mo le faatoaiga o tetee (le itiiti ma le 3 masina mai le uluai faasalalauga) - s9(2). Faia e le Resitara laasaga mo le faaooina atu o le talosaga i itu auai taitasi o le taualumaga, e aofia ai e tusi samania ia i latou ua tetee e moomia ai lo latou o'o ane i le faamasinoga - s45. Feutagai le Resitara ma le Peresitene ma faatulaga le taimi ma le nofoaga o le faamasinoga - ss39,42(5). Faasalalau e le Resitara le faasilasilaga o le faamasinoga i le Savali (le itiiti ma le 21 aso ao lumanai le faamasinoga), ia faailoa atu ai: • le taimi ma le nofoaga; • igoa o itu auai i talosaga taitasi, ma • le uiga o le fesoasoani o fia maua - ss40,41

O ai e ono mafai ona talosaga?	Soo se tagata po o alii ma faipule o se nuu ua tagi i se aia faamaoni i se fanua umia saoloto po o se fanua ua le mautinoaina lona tulaga po o se fanua faaleaganuu po o se fanua umia saoloto - s9(1).

Faavaeina o le Faamasinoga	Peresitene (po o se Sui Peresitene) ma ia le itiiti ma le 4 faamasino ma faatonu (e le itiiti ma le toa 2 o i latou o faamasino) - s35.

O lea le mea e ono mafai ona fai e le Faamasinoga	Faia (po o le le faia) o se faaaliga manino e faapea o le fanua faaleaganuu, i se maliega - s9; s34(2). Manatua e mafai foi e le Faamasinoga: • ona iloiloina i seisi taualumaga e ese mai ai le mataupu e uiga i le suafa matai poo le pule ina ua tuanai le faia o se faaaliga manino - s9(7). • ona tolopo taualumaga ina ia mafai ai e le ua tetee ona faia se tagi o se aia faamaoni o le umia saoloto i le Komisi o Suesuega o pule o Fanua, ma talia ai se faaiuga - s9(6). Manatua tapulaa o le malosiaga fa'a-le-tulafono o le Faamasinoga i ss9(3) ma le (4) - o lona uiga moni, o tagata uma ua i ai se aia faamaoni i le fanua e tatau ona malilie i se faaaliga manino e faapea o le fanua o le fanua faaleaganuu (vagana ai pe'afai o la latou tagi i se aia umia saoloto ua teenaina e le Komisi - s9(5).

E i ai se aia tatau e apili ai?	Ioe - s76(1). Ia maua mai le faatagaga a le Peresitene - s78. Manatua tapulaa o tupe totogi ma poloaiga le tumau - ss72,49,50. Manatua le s71 o lo o faapea mai o faaiuga e le mafai ona toe iloiloina e seisi Faamasinoga. Aepeitai, e i ai faamasinoga na toe iloiloina ai e le Faamasinoga Maualuga faaiuga a le Faamasinoga o Fanua ma Suafa faatatau i mataupu o aia tatau faamaufaailogaina. Silasila i le Vaega V111: Apili, pito i lalo

Taiala Faaopoopo	Silasila i le Vaega V1: Tauaaoina o Taualumaga ma le Vaega V11: Faia o Faaiuga, pito i lalo.

Pacific Judicial Development Program

PJDP Benchbook - VAEGA 5 PROCEDURES1

	[Home] [Databases] [WorldLII] [Search] [Help] [Feedback] [Report an error] [F.A.Q.]
	Pacific Judicial Development Program
You are here: PacLII >> Pacific Judicial Development Program >> Benchbooks >> Samoa